Ukraina prezidenti saylarları Qırımda alâ daa çoq muzakere etilgen mevzulardan birisidir. Ekinci turnı beklep, qırımlılar içtimaiy ağlarda ükümetniñ kelecegi içün qorqu ve qasevetlerinen paylaşa.
Qırım sakinleriniñ çoqusı kenardan közetmekte toqtamay ve saylavda iştirak etmek içün qıtağa çıqmağa azırlana. Aynı şu sebepten Qırımdan köçmege mecbur olğan adamlar da saylav yerini deñiştire.
Ukrainacı qırımlılarnıñ arasında şimdiki prezidentniñ tarafdarları, kerçekten de, çoq.
Biz, belâğa oğrağanlar, umumukraina belâsına yol bermemek içün, öz issemizni qoşmağa isteymiz. Sadece bu.
Qırım tefsircileri qasevet ete ve Qırımda buña oşağan duyğularnı endi is etkenlerini ayta - 2014 ve 1994 senelerinde.
Aman, semetdeşlerim soñki aftaları sanki dejavüde, men de istisna degilim...
Qorqunçlı..o vaqıt kibi. Yoq, ondan da ziyade..
Başta qorqu yoq edi. Taaciplene edim: "bu kerçekten olmaq mümkünmi, aceba? Yoq ya! Keçer-keter!" Soñ ise añladım - bu saçmalav etrafımda(
Aqayım şimdi işten qaytıp, onı deja vü duyğusı qaplağanını ayttı. 14-ünci senesi, referendumdan evel kibi. Men ise bu duyğudan soñki, eñ azı, eki afta qurturılıp olamayım.
Birevler içün bu qolay, men içün ise eki qat qıyın. Sen bir kere endi bunı yaşadıñ, duydıñ,hastalıq kibi kecirdiñ, nasıldır niyet ve beklevleriñ şekillendi, ya mında ise - er şey başından. Ve añlaysıñ ki, qıtalılar buña alışır, amma sen - MINDASIÑ, ve seni teslim ettiler, saña hainlik yaptılar. Ve bu sefer özünkileri, yoq, doğrusı, sen, sadedil ahmaq, özünkiler kibi sayğanlarıñ. Ve endi mıtlaq qaçmağa yer qalmadı… Ağıra, 14-üncide olğanından da çoq ağıra.
Mende de dejavü. 2014-te Qırımda olğan duyğular - şok, qorqu, hainlikten ağrı - kene qayttı. Ukrainliler “rus dünyası”nı öz evlerine süyrep kirsete.
Haberler lentam qırımlılarnıñ eyecanlı yazılarınen tolu. Kefede, Aqmescitte, Yaltada, Aqyarda biz bunı 2014 senesiniñ fevral - mayıs aylarında kördik.
Biz bunı arqa miyinen duyamız. Bu qorqu. Men bunı aytmaqtan utanmayım. Biz qorqunı cısmen duyamız...
Amma qorqu ve qasevetler - eki prezident namzetiniñ de ştabları qullanğan siyasiy tehnologiyalarnıñ neticesidir, degen fikirler de bar.
Mında yazılğan bütün şey açıq menbalardan alındı
