Link açıqlığı

Saatnıñ esas haberi

"Bilem, sen becerirsiñ" leyhası: Qırım ve Donbasstam köçip kelgen qadınlarğa ifadelenmekte yardım


"Bilem, sen becerirsiñ" leyhasınıñ iştirakçileri
"Bilem, sen becerirsiñ" leyhasınıñ iştirakçileri

İçtimaiy alışmanen ve daa yaqında yat olğan şeerde öz işiniñ açmasınen bağlı qıyınlıqlarğa nasıl azırlanmalı? Biznes planını nasıl doğru yazmalı ve başlanğıç sermiyanıñ miqdarını nasıl saymalı?

Bu suallerniñ cevabını, köçip kelgen qadınlarğa Ukraina-Almaniya "Bilem, sen becerirsiñ" leyhasınıñ çerçivesinde keçirilgen treninglerde bereler. Treningler sentâbr 23-25-inde Kyiv, Dnipro ve Herson şeerlerinde keçti, olarda ilhaq etilgen Qırımdan ve işğal etilgen Donbass qısmından 45 qadın iştirak etti.

Trening iştirakçileri arasında doquz qırımlı bar edi.

Olar, adlarını aydınlatmamağa rica ete, amma biznesleri muvafaqiyetli açılsa, endi biznes ledi sıfatında adlarını aytıp, ikâyelerini tarif etmege söz berdiler. Şimdilik ise olar, öz işiniñ açması ve inkişaf ettirmesi esnasınıñ hususiyetlerini ögrene.

"Maña, tek bir biznes başlamaq içün degil, em de şahsiy inkişaf içün kerekli bilgilerni almaq müimdir. Bu leyhada teklif etilgen psihologiya ve iş yürsetüv treningleri men içün ğayet meraqlı, çünki olar, maña şahsiyet kibi inkişaf etmege de yardım ete", - añlata Radio Svoboda mühbirine Kyiv treninginiñ doğma aqmescitli iştirakçisi.

Maña, tek bir biznes başlamaq içün degil, em de şahsiy inkişaf içün kerekli bilgilerni almaq müimdir
Aqmescitten köçken qadın


Qırımdan ve işğal etilgen Yasınovatadan (Donetsk vilâyeti) başqa iştirakçiler qayd eteler: em teşkilciler, em de trening iştirakçileri, tuvğan yerlerini terk etip, yañı yerde sıfırdan başlamağa mecburiyetinde qalğan qadınlarnıñ yañı bilgi aluvına ve ileride de şahsiy inkişaf içün ilham bergen bir müitni yaratıp oldı.

Leyhanıñ tarihından

"Bizim leyhamız, iştirakçilerge öz işini açmaq içün esas bilgi ve alışqanlıqlarnı bere, neticede ise bu, olarnıñ maddiy taraftan mustaqil olmalarına ve içtimaiy inkişafına yardım etecek. Leyhanı keçirgenimiz üç şeerde, iştirakçilernen psihologlar ve bizneste muvafaqiyetke irişken qadınlar çalışa", - aytıp bere "Bilem, sen becerirsiñ" leyhasınıñ meneceri Olena Tanasıyçuk.

Böylece, leyhada iştirak etmek içün, köçip kelgenlerniñ qorantalarından qadınlar, motivatsiya mektübini yazğan edi: tek Kyivde leyha teşebbüsçileri 60 mektüp aldı, amma treningde üç kere azca yer bar edi, onıñ içün iştirakçilerni jerep taşlavınen sayladılar. Teşkilciler, şimdiki treningge tüşmegen qadınlarnen çalışmaq içün para tapmağa niyetlene.

Leyha, iştirakçilerge öz işini açmaq içün esas bilgi ve alışqanlıqlarnı bere, neticede ise bu, olarnıñ maddiy taraftan mustaqil olmalarına ve içtimaiy inkişafına yardım etecek.
Olena Tanasıyçuk


"Bilem, sen becerirsiñ" leyhasını, nemse Azırlav ve meşğullik koordinatsiya merkezi (Koordinierungsstelle Weiterbildung und Beschäftigung e. V.). ile «ELEOS-Ukraina" hayriye teşkilâtı kerçekleştire. Maddiy yardımnı leyha, Almaniya Tış İşler nazirliginden aldı. Leyhanıñ trenerleri arasında - Almaniyada yaşağan icretçi ailelerinden qadınlarnen çalışqan nemse mütehassısları.

Leyha maqsatlarına köre, treningler bitken soñ, er iştirakçi öz biznes planını kösterecek, eñ yahşı soylarına, öz işini başlamaq içün kerekli donatma almasına Almaniya Tış işler nazirliginden 300 yevro mukâfatı berilecek.

XS
SM
MD
LG