Link açıqlığı

Saatnıñ esas haberi

Beşine 68 yıl: Aqmescitteki «Hizb ut-Tahrir davası» mabüsleriniñ ükmü çıqarıldı


Aqmescitteki birinci «Hizb ut-Tahrir davasınıñ» mabüsleri mahkeme salonunda, arhiv fotoresimi
Aqmescitteki birinci «Hizb ut-Tahrir davasınıñ» mabüsleri mahkeme salonunda, arhiv fotoresimi

Rostov-na-Donudaki Şimaliy-Kavkaz okrugınıñ arbiy mahkemesi Aqmescitteki birinci «Hizb ut-Tahrir davasınıñ» mabüslerini terror teşkilâtınıñ​ faaliyetini teşkil etkeninde ya da iştirak etkeninde qabaatlı tanıp, olarnı sert rejimli koloniyada qalmasına üküm etti.

Qırım.Aqiqat mühbiriniñ bildirgenine köre, arbiy kollegiya Teymur Abdullayevni 17 yıl, Uzeir Abdullayevni 13 yıl, Rustem İsmailovnı 14 yıl, Ayder Saledinov ve Emil Cemadenovnı 12 yıl apishanede qalmasına üküm etti.

Aqmescitteki birinci «Hizb ut-Tahrir davası» mabüsleriniñ soy-sopları üküm seslendirilgende
Aqmescitteki birinci «Hizb ut-Tahrir davası» mabüsleriniñ soy-sopları üküm seslendirilgende

Rustem İsmailov, Uzeir Abdullayev ve Emil Cemadenovğa mahkeme qabaatlav tarafı istegeninden bir yıl çoq berdi.

İyünniñ 17-nde Aqmescitteki birinci «Hizb ut-Tahrir davasınıñ» mabüsleri soñki sözüni aytıp, 2016 senesi oktâbr ayında apiske alınğanlarından berli olarğa qoltutqan er keske teşekkürler bildirdi.

Daa evel haber etilgeni kibi, qabaatlav tarafı Aqmescitteki birinci «Hizb ut-Tahrir davasınıñ» mabüsleri içün istegen apis cezalarınıñ müddetlerini aydınlattı. Prokuror Teymur Abdullayev içün 17 yıl, Rustem İsmailov içün 13 yıl, Uzeir Abdullayev ve Ayder Saledinov içün 12-şer yıl, Emil Cemadenov içün 11 yıl koloniyada qalmasına üküm etilmelerini istey.

Kiyinmege bile yetiştiremedik – FSB qırımtatarlarnıñ evlerinde tintüvler keçirdi (video)
Bekleñiz, lütfen

No media source currently available

0:00 0:03:15 0:00

«Adaletli mahkeme esnasınıñ taqlidi»

Aqmescitteki birinci «Hizb ut-Tahrir davası» mabüsleriniñ imayesi Şimaliy-Kavkaz okrugı arbiy mahkemesiniñ ükmüni şikâyet etecek ola.

«Em imayeci, em de mabüsler içün beklenilgen apis müddetleri. Bu davalar boyunca üküm mahkeme tahqiqatı başlamazdan çoq daa evel çıqarılğan edi, dep aytqan edik, neticesi endi yazılğan edi. Rostovda keçirilgen oturışuvlar adaletli mahkeme esnasınıñ bir taqlitidir», – dedi advokat Lilâ Gemeci.

Lilâ Gemeci
Lilâ Gemeci

Onıñ qayd etkenine köre, dava mabüslerini mahkemeniñ üçüne – Rustem İsmailov, Uzeir Abdullayev ve Emil Cemadenovğa – nisbeten cezanı sertleştirmek (qabaatlav tarafınıñ istegine baqqanda) qararı şaşırmadı, amma «soñuna qadar mahkemelerniñ cesareti ve adaletine işanğan ediler».

Repressiyalarnı tek siyasiy iradenen toqtatmaq mümkün
Lilâ Gemeci

«Bu apis cezası tek kâğıtta bar. Asılında çekecek cezaları qadı ya da prokurorlarnen bağlı degil. Repressiyalarnı tek siyasiy iradenen toqtatmaq mümkün. Amma, ne yazıq ki, ya akimiyet bunı yapmağa istemey, ya da bu belli bir millet ya da dinge qarşı genotsid siyaseti ola. Qırımda bu eki alâmet bir ola», – dep ayttı Gemeci.

«Olar Putin rejiminden çoq yaşaycaqlar»

Qırımtatar halqınıñ lideri Mustafa Cemilevniñ fikirince, iyünniñ 18-nde uzun apis cezalarına üküm etilgen Aqmescitteki «Hizb ut-Tahrir davasınıñ» mabüsleri belgilengen müddetten evel azat etilecek.

«Bu yañı bir şey degil, olar er keske büyük apis müddetlerini bere. Amma bu apis cezasını çekmeycekler, dep tüşünem: olar Putin rejiminden çoq yaşarlar. Olar başqaları kibi ükümden evel azat etilecek. Repressiv maşina ise çalışmağa devam etecek. Başqa çareleri yoq. Putin tek terror sayesinde yaşay», – dedi Cemilev Qırım.Aqiqatqa.

Mustafa Cemilev
Mustafa Cemilev

2016 senesi oktâbrniñ 12-sinde Qırımda beş musulman qorantasınıñ evleri tintildi. Tintüvler neticesinde Rusiyede yasaq etilgen «Hizb ut-Tahrir» teşkilâtında iştirak etkenlerinde qabaatlanğan beş qırımtatar: Rustem İsmailov, Uzeir Abdullayev, Teymur Abdullayev, Emil Cemadenov veAyder Saledinov tevqif etilgen edi​

Keçken sene dekabrniñ 6-nda belli oldı ki, Aqmescitteki birinci «Hizb ut-Tahrir davasınıñ» mabüsleri Rostov-na-Donu SİZOsına etap etildi.​

«Hizb ut-Tahrir» halqara islâm siyasiy teşkilâtı, bütün musulman devletleriniñ islâm halifeligine birleştirilmesini öz maqsadı olğanını ayta, amma olar, bu maqsatqa irişmek içün terroristik usullarnı red ete ve Rusiyede adaletsiz taqip etilgenini ayta. Rusiye Yuqarı mahkemesi 2003 senesi «Hizb ut-Tahrir» teşkilâtını 15 «terrorist» birleşme cedveline kirsetip, onı yasaq etti.

«Hizb ut-Tahrir işi» boyunca apiske alınğan ve mahküm etilgenlerniñ imayecileri olarnıñ taqip etilmesi diniy sebeplernen bağlı olğanını tüşüne. Advokatlar qayd etkenine köre, Rusiye uquq qoruyıcı organları tarafından bu dava boyunca taqip etilgenler – ekseriyeti qırımtatarlar ve ukrain, rus, tacik, azeri ve islâm dinini kütken diger millet vekilleri. Halqara uquq işğal etilgen topraqlarda işğalci devlet qanunlarını kirsetmege yasaqlay.

XS
SM
MD
LG