«Qırım birdemligi» cemaat birleşmesiniñ faalleri, avgustnıñ 17-nde saba qırımtatrlarnıñ evlerinde keçirilgen tintüvlerden soñ beş insan yaqalanğanını bildireler.
İmamnıñ evinde tintüv
Birinci tintüv Aqmescit rayonınıñ Mamaq köyünde yerli imam Raif Fevziyeviñ evinde keçirildi.
«Qırım birdemligi» cemaat birleşmesiniñ malümatına köre, imamnıñ evi yanında bir qaç mikroavtobus bar edi, azbar balaklava ve maskalı adamlar tarafından sarıp alınğan edi, evge kimseni kirsetmey ediler.
Keçirilgen tintüvge avdokat Edem Semedlâyevni yibermegenler.
«Saba saat beşten Raifniñ evi yanında turam, evge meni kirsetmeyler. OMON yanına kelip, advokat olğanımnı ve tahqiqat tedbirlerinde iştirak etmege kelgenimni bildirdim, amma meni yibermeyler ve iç bir şey añlatmaylar. Quvetçilerniñ bu areketlerine prokuraturağa şikâyet berecegim», – dedi Semedlâyev.
По данным адвоката, после обыска имама Раифа Февзиева увезли в управление ФСБ.
Известно, что провели обыск. Со слов сына, подкинули две книгиЭдем Семедляев
«Известно мало. Известно, что провели обыск. Со слов сына, подкинули две книги и на данный момент Раифа самого увезли. Я тоже сейчас поеду в управление ФСБ. Обыск проводила ФСБ. Ему инкриминируют статью 205.5 (организация деятельности террористической организации и участие в деятельности такой организации – КР) . Участие или организация, пока неизвестно», – сказал Семедляев активистам «Крымской солидарности».
Daa dört yaqalanğan
Bundan ğayrı Qırımda daa dört tintüv keçirildi: Aqyarnıñ Nahimov rayonında Rustem Murasov ve Rustem Tairov, Aqyarnıñ Balıqlava rayonında Cebbar Bekirov, Bağçasaray rayonında Zaur Abdullayevniñ evlerinde.
«Qırım birdemligi» cemaat birleşmesiniñ faalleri, avgustnıñ 17-nde saba qırımtatrlarnıñ evlerinde keçirilgen tintüvlerden soñ beş insan yaqalanğanını bildirdiler.
Olarnıñ malümatına köre, dörtüni Aqyar boyunca Rusiye FSB-niñ idaresine ketirgenler, Mamaqtan imamnı ise Aqmescit boyunca Rusiye FSB-niñ idaresine.
«Raif Fevziyev medreseni bitirgen yerli imam, qırımtatar faali, çoq balalı baba. Rustem Murasov, Rustem Tairov, Cabbar Bekirov ve Zaur Abdullayev faaller, olar uydurma mahkeme davalarınına muntazam şekilde qatnay ediler, siyasiy mabüslerniñ qorantalarını destekley ediler, öz köylerinde iftarlar ve kütleviy tedbirler keçire ediler», – dep qayd ettiler birleşmede.
Avgustnıñ 17-nde keçirilgen tintüvlerden soñ Rusiye quvetçileri yaqalağan qırımtatar faalleri Terror teşkilâtınıñ faaliyetini teşkil etüv ve böyle teşkilâtnıñ faaliyetinde iştirak etüv ile şübeli sayılalar.
Bunı «Qırım birdemligine» advokat Aleksey Ladin bildirdi.
Onıñ malümatına köre, Aqyarnıñ Nahimov ve Balıqlava rayonında ve Bağçasaray rayonında tutulğan Cebbar Akimov Rusiye Ceza kodeksiniñ 205.5 maddesine istinaden Terror teşkilâtınıñ faaliyetini teşkil etüv, Zavur Abdullayev, Rustem Tairov, Rustem Murasov іse Terror teşkilâtınıñ faaliyetinde iştirak etüv ile şübeli sayılalar.
«Taqip ve qorqutuv siyaseti»
Ukraina Tış işler naziriniñ birinci muavini Emine Ceppar avgustnıñ 17-nde qırımtatarlarnıñ evlerinde keçirilgen tintüvlerge cevap berdi. O buña devam etken «qorqutuv siyaseti» dedi.
«İşğalciler Qırımda qorqutuv ve taqip siyasetini devam ete. Sabadan qırımtatarlarnıñ evlerinde bir sıra tintüv keçirildi. Al-azırda eñ azından 5 kişi yaqalandı», – dep yazdı o.
Ukraina Yuqarı Radasınıñ insan aqları vekâletlisi Lüdmila Denisova da qırımtatarlarnıñ evlerinde keçirilgen tintüvlerge qarşılıq kösterdi. «İşğalci devlet kene qırımtatarlarnı qorquta ve taqiplerge oğrata. Ukraina vatandaşlarınıñ evlerinde tintüvler halqara uquq qidelerini, hususan İnsan aqaları ve esas azatlıqlar aqqında Şartnameniñ 5-nci maddesini, Şahsiy ve aile ayatına riayet etilme aqqı aqqında Şartnameniñ 8-nci maddesini qaba şekilde boza», – dep yazdı Denisov Facebook saifesinde.
O, dünya toplulığını Rusiye quvetçileriniñ arektelerine qarşılıq köstermege ve Rusiyege tazyıqnı arttırmağa çağırdı.
Ukraina prezidenti Volodımır Zelenskıy, Rusiye telükesizlik quvetleriniñ qırımtatarlarnıñ evlerinde keçirgen tintüvlerge "insan aqlarınıñ qaba şekilde bozuluvı" dedi.
«Rusiye kene işğal etilgen Qırımda insan aqlarını qaba şekilde boza. Bugün saba qırımtatarlarnıñ evlerinde tintüvler ve yaqalavlar olıp keçti. Bu qabul etilmez taqipler deral toqtatılmalı, insanlar ise azat etilmesi. Dünya toplulığı bozuvlarğa keregi kibi qarşılıq köstermeli», – dep yazdı Zelenskıy.
«Muntazam cinayetlerniñ devam etmesi»
Qırım MC ve Aqyar şeeriniñ prokuraturası avgustnıñ 17-nde Qırımda keçirilgen tintüv faktları ile bağlı cinayet işini başlağanını bildirdi.
«Qayd etilgen faktlar ile bağlı cumhuriyet prokuraturası Ukraina Ceza qanunnamesiniñ 162 maddesiniñ ekinci qısmına ve 146 maddesiniñ 2-nci qısmına binaen cinayet işlerini başladı. Buña köre beş yıl apis cezası berile bile», – dep qayd ettiler Prokuraturada.
«Yarımadada olıp keçken tintüvler ve yaqalavlar, soñki yedi yıl içinde Ukraina vatandaşlarına işğalciler tarafından yapılğan muntazam cinatlerniñ devamıdır. Bu kibi areketlerniñ soñ maqsadı tamır qırımtatar halqınıñ Qırım yarımadasından sıqıştırıp çıqarılmasıdır», – dedi İgor Ponoçovnıy.
«Qırımda islamofobiyanıñ doğuruvı»
Onğa yaqın uquq qoruyıcı teşkilât Rusiyeden avgustnıñ 17-nde keçirilgen tintüvlerden soñ yaqalanğan qırımtatarlarnıñ azat etilmesini talap etti.
«Bugünki tintüv ve yaqalavlarnıñ Rusiyeniñ terrorcılıqqa qarşı küreşi ile iç bir alâqası yoq. Amma olar faal vatandaş mevamını köstergen ve Rusiyeniñ Qırımdaki işğalci organlarınıñ nizamsızlıqlarına qarşı çıqqan qırımtatarlarğa qarşı siyasiy taqip vastasıdır. Qırım musulmanlarınıñ tevqif etilmeleri ve evlerinden tintüvleri keçirilüvi islamofobiyanı doğura ve qırımtatarlarnıñ yarımadadan sıqıştırıp çıqarıluvınıñ gizli bir yoludır», – dep yazıla «QırımSOS» teşkilâtınıñ saytında yayınlanğan beyanatta.
Birinci mahkeme oturışları
Aqyar ve Aqyamecit mahkemeleri avgustnıñ 17-nde qırımtatarlarnıñ evlerinde keçirilgen tintüvlernden soñ yaqanğan beş kişiden üçüne sıñırlama tedbiri sayladı . Bunı Qırım.Aqiqatqa «Qırım birdemligi» cemaat birleşmesi haber etti.
Böylece Moskvanıñ nezaretinde olğan Aqyarnıñ Lenino rayon mahkemesi, Rusiye Ceza kodeksiniñ 205.5 maddesine istinaden Terror teşkilâtınıñ faaliyetinde iştirak etüv ile qabaatlanğan Rustem Tairovnı 2021 senesi oktâbrniñ 11-nece, tevqifli qaldırdı, Rusiye Ceza kodeksiniñ 205.5 maddesine istinaden Terror teşkilâtınıñ faaliyetini teşkil etüv ile qabaatlanğan Cebbar Akimovnı 2021 senesi oktâbrniñ 10-nece, tevqifli qaldırdı.
Kremlniñ nezaretinde olğan Aqmescitniñ Kiyev rayon mahkemesi Rusiye Ceza kodeksiniñ 205.5 maddesine istinaden Terror teşkilâtınıñ faaliyetinde iştirak etüv ile qabaatlanğan Raif Fevziyevni 2021 senesi oktâbrniñ 12-nece, tevqifli qaldırdı.
Qırımdaki «Hizb ut-Tahrir davaları»
«Hizb ut-Tahrir davası» boyunca apiske alınğan ve mahküm etilgenlerniñ imayecileri olarnıñ taqip etilmesi diniy sebeplernen bağlı olğanını tüşüne. Advokatlar qayd etkenine köre, Rusiye uquq qoruyıcı organları tarafından bu dava boyunca taqip etilgenler – ekseriyeti qırımtatarlar ve ukrain, rus, tacik, azeri ve islâm dinini kütken diger millet vekilleri. Halqara uquq işğal etilgen topraqlarda işğalci devlet qanunlarını kirsetmege yasaqlay.
«Hizb ut-Tahrir» halqara islâm siyasiy teşkilâtı, bütün musulman devletleriniñ islâm halifeligine birleştirilmesini öz maqsadı olğanını ayta, amma olar, bu maqsatqa irişmek içün terroristik usullarnı red ete ve Rusiyede adaletsiz taqip etilgenini ayta. Rusiye Yuqarı mahkemesi 2003 senesi «Hizb ut-Tahrir» teşkilâtını 15 «terrorist» birleşme cedveline kirsetip, onı yasaq etti.
