Link açıqlığı

Saatnıñ esas haberi

Berlinde Qırımtatar halqınıñ sürgünligi qurbanlarınıñ añma Kününe aktsiya azırlaylar


Mayısnıñ 18-inde Berlinde Brandenburg qapısı yanında, qırımtatar halqınıñ sürgünliginiñ 75 yıllığına bağışlanğan aktsiya keçirilecek. Bu aqta aktsiya teşkilcisi, Berlinden cemaat faali Viktoriya Savçuk Facebookta haber etti.

“Bir şeyge baqmadan, bu yıl da biz Brandenburg qapısı yanında qırımtatar halqınıñ sürgünligi yıldönüminde olacaqmız. Bu aktsiya - zorbalıqnen Qırımdan sürgün etilgenler, istenilgen avdetniñ ceenneminden keçkenler ve, ne yazıq, asıl qaytıp olamağanlar aqqındadır. Hatıra, birdemlik ve mesüliyet aqqında”, - yazdı Savçuk.

Daa evel Kyivde VDNG kompleksinde mayısnıñ 18-inden 27-sine qadar, Qırımtatar halqınıñ sürgünligi qurbanlarınıñ añma Kününe bağışlanğan tedbirler keçirilecek, dep bildirile edi.

Mayısnıñ 18-inde Ukrainada ve dünyada qırımtatar halqınıñ 1944 senesi Qırımdan sürgünliginiñ qurbanlarını añalar. Bu kün yarımadadan Orta Asiyağa qırımtatarlarnıñ birinci eşelonı yollanılğan edi. Umumen, 180 biñge qadar adam sürgün etildi.

Ukraina Yuqarı Radasınıñ qararına köre, mayısnıñ 18-iQırımtatar halqınıñ genotsidi qurbanlarınıñ añma Künü, dep ilân etildi.

XS
SM
MD
LG