Kyivde VDNG kompleksinde mayısnıñ 18-inden 27-sine qadar, Qırımtatar halqınıñ sürgünligi qurbanlarınıñ añma Kününe bağışlanğan tedbirler keçirilecek. Teşkilcilerniñ aytqanına köre, leyhanıñ maqsadı - “asır-asırdan tekrarlanğan facialı vaqialarnıñ duyğu ve asılını köstermektir”.
“1944 senesi vaqialarınıñağırtqan ikâyelerini qartlar yaslarğa tarif ete ve alâ daa raat qaldırmay. Tamam bunıñ içün, qırımtatarlarnıñ genotsidi aqqında bilgilerni büyütip, olarnı sanat eskizleri ve şekillerine çevirmek ğayesi peyda oldı”, - denile beyanatta.
Tedbirler cedvelinen Facebook saifesinde tanışmaq mümkün.
Mayısnıñ 18-inde Ukrainada ve dünyada qırımtatar halqınıñ 1944 senesi Qırımdan sürgünliginiñ qurbanlarını añalar. Bu kün yarımadadan Orta Asiyağa qırımtatarlarnıñ birinci eşelonı yollanılğan edi. Umumen, 180 biñge qadar adam sürgün etildi.
Ukraina Yuqarı Radasınıñ qararına köre, mayısnıñ 18-iQırımtatar halqınıñ genotsidi qurbanlarınıñ añma Künü, dep ilân etildi.
