Bağçasaray rayon hastahanesindeki loqsahane bölüginiñ vaqtınca qapatıluvı anesteziologlarnıñ hastalığı oldı, dep bildirdi hastahaneniñ baş ekimi Konstantin Gaydarev.
«Eki anesteziolog «eki taraflı pnevmoniya» diagnozınen hastahanede buluna. Ebanaylıq bölüki bu ekimler olmasa çalışamaz», – dep ayttı «Krım24» telekanalınıñ jurnalistlerine Gaydarev.
Onıñ aytqanına köre, rayon hastahanesinde dört anesteziolog bar, ekisi pnevmoniya ve koronavirus hastaları içün gospitalde çalışa, daa ekisi hastalandı ve bu bölükte tedaviylene.
Baş ekimniñ qayd etkenine köre, er bir doğuruv cerrahlıq kirişüvnen yekünlene bile, anesteziologsız bunı yapmaq imkânsız, qalğan eki ekim ise «loqsahane ve qalğan bölüklerniñ ihtiyaclarını qarşılap olamaz».
Qırımnıñ Rusiye sağlıq nazirligi, Bağçasaraydaki loqsahane vaqtınca qapatıldı, qadınlar Aqmescit loqsahanelerine yollanıla, dep bildirdi.
