Qırımnıñ aman-aman bütün rayonlarında mart ve aprelde olğan ayazlardan sebep meyva terekleri zararlandı.
Bunı Rusiye nezaretindeki Qırım köy hocalığı naziri Andrey Rümşin bildirdi.
Rümşinniñ aytqanına köre, Bağçasaray, Qatrasuvbazar, Canköy, İslâm Terek, Qurman, Yañı Qapı, Yedi Quyu, Aqşeyh, Seyitler, Aqmeçit rayonlarında meyva bağçalarınıñ 3 916,53 gektarı zarar kördi.
"Nikita nebatat bağçası laboratoriyasınıñ malümatına köre, kiraznıñ 50-60%-ı Bağçasaray rayonında, 90%-dan ziyade Qurman, Yañı Qapı, Yedi Quyu, Aqşeyh, Seyitler rayonlarında ve 60%-ı Aqmescit rayonında zarar kördi", - yazdı Rümşin Facebook saifesinde.
Bundan ğayrı, memurğa köre, Qırımda alma gönceleriniñ 35-80%-ı zararlandı.
Tünevin Qırımdaki Rusiye akimiyeti baar ayazları sebebinden bereketni sigortalamağa teklif etti.
