"Ukrinform" agentliginiñ mühbiri Roman Suşçenko, Rusiye esirliginden qaytqanından soñ jurnalistikağa qaytmağa azırlana, dep haber ete Radіо Svоbоdа.
"Ebet, men ondan (jurnalistikadan - QA) ketmey edim. Tuvğan "Ukrinform" agentligime qaytacam", - dedi "Borıspil" ava limanında jurnalistlerge Suşçenko.
O, "zenaatdaşlarınen qonuşmağa, dostlarınen quçaqlaşmağa, babasınıñ mezarlığına barmağa" istey, dep ayttı. Babası 2018 senesi martnıñ başında, oğlu esirlikte olğanda, vefat etti.
Ukrain jurnalisti Roman Suşçenko - Ukraina ve Rusiye arasında yapılğan almaşuvda boşatılğan mebüslerden birisi.
Ukraina prezidenti Volodımır Zelenskıy, qırımtatar faallerniñ Rusiye esirliginden qaytarıluvı - Ukraina-Ruisye almaşuvnıñ ekinci basamağı olacaq, dep Qırım.Aqiqat mühbiriniñ sualine cevap bergende, ayttı.
