Qırımtatar faallerniñ Rusiye esirliginden qaytarıluvı - Ukraina-Ruisye almaşuvnıñ ekinci basamağı olacaq. Bunı Ukraina prezidenti Volodımır Zelenskıy, qırımtatar mabüsleriniñ Rusiye apishanelerinden azat etilmesi aqqında, Qırım.Aqiqat mühbiriniñ sualine cevap bergende, ayttı.
"Men bellesem, bu ekinci basamaq olacaq. Ekinci basamaqta biz çalışacaqmız. Biz adamlarımıznı andan qaytarırmız. Azat etermiz, çünki Qırımda çoq bizim adamlarımız bar", - dedi prezident.
Volodımır Zelenskıy, bu yaqın vaqıtta olur, dep işana. "Biz bir yıl aqqında aytmaymı, eki de degil, üç de. Biz bunı pek tez yapmağa isteymiz. Biz bunı arzu etemiz ve bunıñ oğrunda çalışamız", - dedi o.
Sentâbrniñ 7-nde Ukraina ve Rusiye arasında tutulğanlarnı almaşuv kerçekleştirildi. 35 ukrainalı ile uçaq «Borıspil» Kyiv ava limanında qondı. Azat etilgenlerniñ arasında qırımtatar faali Edem Bekirov da oldı.
Advokat Nikolay Polozov Qırım.Aqiqatqa haber etkeni kibi, Bekirovnıñ azat etilmesi - sağlıq alı sebebinden - istisna oldı.
