Aziz yerler, kündelik yaşayış ve facialar: Qırımnıñ tamır halqlarınıñ mirası (fotogalereya)

2021 senesi iyülniñ 1-nde Ukraina Yuqarı Radası Ukrainanıñ tamır halqaları aqqında qanunnı qabul etti. Bu qararğa 325 millet vekili qoltuttı. Ukraina TİN başı Dmıtro Kulebanıñ aytqanına köre, «qanun leyhası milliy qanunlarda halqara kuquq qaidelerini yerine ketirecek».

Vesiqağa köre, tamır halq Ukraina topraqlarında meydanğa kelgen, öz medeniyetiniñ taşıyıcısı olğan ve aynı zamanda memleket tışında öz devleti olmağan qavmiy azlıq sayılır. ​

Ukraina prezidenti Volodımır Zelenskıy mayısnıñ 18-nde qırımtatar genotsidiniñ qurbanlarını añma kününde Ukraina yarımadanı kontrol altına qaytarmaq içün ğayret köstere, dep qayd etti. O, tamır halqlar qanun leyhasını parlament baqsın dep kirsetti, dep haber etken edi.

Zelenskıynıñ qayd etkenine köre, o, «Qırım platforması» sammiti ögüne qırımtatarlar ve qırımlılar içün «müim olğan» qanunlarnı imzalamağa istey, dep qayd etken edi.

Rusiye prezidenti Vladimir Putin Ukrainanıñ tamır halqlar qanun leyhası «ruslarğa qarşı yapılğan küçlü bir darbe» ola, dep bildirdi.

Ukraina prezidentiniñ Qırım Muhtar Cumhuriyetindeki temsilcisi Anton Korınevıç Rusiye prezidenti Vladimir Putinniñ Ukrainanıñ «tamır halqlar» qanun leyhasınen bağlı izaatlarını «propagandacı» dep adlandırdı.

İyünniñ 8-nde Rusiye Devlet Duması Ukrainanıñ qanun leyhasını takbih etken beyanatnı qabul etip, PACE ve OSCEge muracaat etmege niyetleri bar, dep bildirdi.

Yuqarı Rada deputatı, Ukrainanıñ PACE eyyetiniñ azası Rustem Umerovbuña cevap berip, «iç bir memleketniñ Ukrainanıñ iç işlerine qarışmağa aqqı yoq», dep qayd etti.

Qırım.Aqiqat yarımadanıñ tamır qavimleriniñ tarihını saqlağan yerlerden fotoresimler topladı