Rusiye, sentâbrniñ 7-sinde azat etilgen ukrain deñizcilerge, öz territoriyasına kirişni yasaqlamadı. Bunı sentâbr 18-inde Qırım.Aqiqatqa deñizcilerniñ advokatı Nikolay Polozov aytıp berdi.
"Deñizcilerge qarşı böyle qararlar çıqarılmadı ve çıqarılmaycaq, çünki olar alâ daa Rusiyede tahqiq etilgen cinaiy davağa köre qabaatlanğan sayılalar. Demek bu saçma: sözde adamlar mahkeme talabına kelmeliler, başqa taarftan, olarğa kiriş yasaqlanğan. Onıñ içün matbuattaki malümat kerçekke uymay", - dedi Polozov.
Bundan evel advokat Dmitriy Dinzege esaslanıp, Grоmadske radio, Rusiye. Ukraina-Rusiye almaşuvı neticeinde azat etilgen, 35 ukrainge öz territoriyasına kirişni yasaq etti, dep haber etken edi.
"Men bellesem, bu yasaq er keske aittir. Er kesni bazağa kirsettiler, bu avtomatik şekilde yapıla. Bütün esaplarnı tevqif eteler, bütün bu adamlarnı taqip eteler ve nezaret eteler", - dedi Dinze.
Ukrainanıñ azat etilgen vatandaşlarınıñ Rusiyege kiriş yasağı aqqında Rusiye akimiyetiniñ resmiy beyanatı olmadı.
Daa evel Nikolay Polozov, Rusiyede, sentâbr 7-sinde Rusiye-Ulkraina mabüsler almaşuvı neticesinde azat etilgen ukrain deñizcilerniñ cinaiy davasınıñ tahqiqatını toqtatmadılar, dep bildirgen edi.
Sentâbrniñ 7-nde Ukraina ve Rusiye arasında tutulğanlarnı deñişim kerçekleştirildi. 35 ukrainalı ile uçaq «Borıspil» Kyiv ava limanında qondı.
Oleğ Sentsov, Oleksandr Kolçenko, Volodımır Baluh, Edem Bekirov, Yevğen Panov, Pavlo Ğrıb, Stanislav Klıh, Mıkola Karpük, Roman Suşçenko, Artur Panov, Oleksiy Sizonovıç ve 2018 senesi noyabrde zapr etilgen 24 deñizci azat etildi.
