Qırımda 2019 yılnıñ ilk çeriginde, keçken yılnıñ aynı müddetine köre, ziyadece aydavcı cezalanğan. Bu aqta “Krıminform” haber agentligine Rusiye İİN-niñ Devlet avtomobil teftişiniñ (DAT) Qırım idaresiniñ hadimi İgor Golovko bildirgen.
O bergen malümatqa köre, 2019-ıncı senesiniñ üç ayı içinde inspektorlar, 6 823 yol areketi qanun-qaideleriniñ bozuluvını qayd etti, keçken sene ise bu üç ayda 4 386 bozuluv adisesi qayd etilgen edi. Golovko, eki biñden çoq olğan farqnı, yollarda foto ve video kameralarnıñ qoyulmasınen añlata.
Daa 2018 senesi dekabr ayında qurtarıcılar,qaza yerineçağıruvlarğa köre, Qırımda ciddiy yol qazaları eki kere çoqlaşqan. Qırım blogeri Sergey Psaröv, Keriç köprü açılğanı buña sebep oldi, dep belley.
Yol qazaları, köpür açılğanından soñ maşnalar çoqlaşqanından sebep arttıSergey Psaröv
- Belki de, yol qazaları, köpür açılğanından soñ maşnalar çoqlaşqanından sebep arttı. Adamlar qıta Rusiyeden kele ve bizim yollarımızda özlerini eminsiz duya - bunı men aydavcı kibi aytam. Mında olar şaşmalap qala, bunıñ içün yol qazaları çoqlaştı. Kurort mevsimiznde vaziyet daa beter olur, dep belleyim, çünki şimdi bile çetten kelgen maşnalar çoq. Olarnıñ episi kameralar, para cezasından qorqa, amma bizde mında DAT yolda çoq rastkelmey. Aqyar tarafında kameralar rıqma-rıq, Yalta ve Aqmescitte olar azca, ştraflar da azca. Qıta aydavcısı birden körüne - olar maşnalarını ayıpsız-utanmasız toqtatıp qaldıra, sıq-sıq birevniñ azbar qapısını da qapata bile.
Sergey Psaröv, Qırım yollarınıñ keyfiyeti de zayıf, dep ayta.
Adamlar paralarnı qazıp qoya. Amma kerçekten tamirge muhtac olğan yollarnı - çuqurlı, bozulı soylarını - ne içündir yapmaylarSergey Psaröv
- Yollar Ukraina vaqtından berli pek deñişmedi. Men yaşağan rayonda Aqyar-Yalta trassasınıñ yapalar. 25-30 yıl turğan asfaltnı qırıp alğanlar, onıñ yerine basqasını qoyalar, birinci ayazlarnen koçecek soyunı. Ebet, belki de, öyle degildir, amma adamlar paralarnı qazıp qoya - bu çoqusınıñ fikri. Amma kerçekten tamirge muhtac olğan yollarnı - çuqurlı, bozulı soylarını - ne içündir yapmaylar.
Rusiye maşna saipleri Federatsiyasınıñ başı muavini Dmitriy Klevtsov, çoq qanun bozuvı qaydları - bu çoq yol qazası dememektir.
Bozucılarnıñ 80%-ı tezlik sıñırlavını boza. Demek ki, ştraf sayısınıñ yol qazaları sayısına doğrudan bağlılığı yoqDmitriy Klevtsov
- Keçken yıl Qırımda 2049 qaza oldı. Qanun bozuvını kameralar qayd ete, bütün Rusiye boyunca olarnıñ sayısı er yıl 15-20%-ğa arta. Keçken yıl Qırımda 236 biñ para cezası qararı imzalanğan edi, umumen cezalarnıñ miqdarı - 144 million ruble, ortalama ştraf - 610 rubledir. Bozucılarnıñ 80%-ı tezlik sıñırlavını boza. Demek ki, ştraf sayısınıñ yol qazaları sayısına doğrudan bağlılığı yoq. Qırımda köpür açılğanında soñ trafik deñişti, onıñ coğrafiyası, yani adamlar Keriçke sıqça barıp başlağan. Bundan ğayrı, evelde yol olmağan yerde, statistika boyunca, 0 yol qazası yüz bergen, şimdi ise 10 - mına saña sayı artuvı. Asıl, yollar qurulıp bitirilse, soñ statistika tizmek kerek olur.
Dmitriy Klevtsov, Qırım aydavcıları da yolda qolaylıqnen telüke yaratqanını ayta.
- Keçken yıl biz Qırımda yaqıtnı teşkere edik, mayıs başından iyün başınace anda edik, bütün yaqıt stantsiyalarını aylanıp çıqtıq. Meni aydavcılıq medeniyeti şaşırttı. Serpantinde, sürat sıñırlanğan yerde, saatta 69 kilometr tezliginen ketesiñ, saña ise arttan signal bereler, faralar qıpa, qarşı yolaqtan ozıp keceler. Baqasın - yerli maşna. Bu meseleni avtomatik sistemelar yardımınen çezmek mümkün, amma bu paalı ve faydası olurmı, yoqmı belli degil.
Qırım aydavcısı Valeriy, yañı Qırım “Tavrida” trassasında eski yollarğa köre, daa çoq qaza olğanı aqqında fikir ete.
- Menimce, Qırımda aydavcılıq medeniyeti aqqında degil de, Qırım yollarınıñ alı aqqında laf etmek kerek. Misal içün yaqında qullanılıp başlağan “Tavrida” trassası. Evelde telüke çıqacaq alda, maşnalar yol kenarına çıqa bile edi. Şimdi ise öyle çare yoq, çünki trassanıñ yol kenarları yoq. “Tavrida” trassasınıñ qurulışınen oğraşqan iş adamları onı, birinciden , biznes kibi köre, soñ ise yolnı tüşüne.
(Metinni Vladislav Lentsev azırladı)
