Avgustnıñ 10-nda Türkiyeniñ Ayvalık şeerinde «Qırım haber agentligi» (QHA) Türkiye ofisiniñ müdiri Aydın Taşnen vedalaştılar. Bu aqta QHA saytında haber etile.
«Qılınğan cenaze namazından soñ Aydın Taş Ayvalık qabristanında topraqqa berildi», – dep aytıla haberde.
Cenazede ailesi, iş arqadaşları, Qırımtatar Medeniyet ve Yardımlaşma Dernegi Yolbaşçısı Mükremin Şahin, Qırım Haber Agentligi baş müdiri Fevzi Amzayev, Bilkent Universiteti ocası Prof. Dr. Hakan Kırımlı bar edi.
«Qırım haber agentligi» Türkiye ofisiniñ müdiri Aydın Taş avgustnıñ 8-nde vefat etti.
«Qırım haber agentligi» – Rusiye işğal etken yarımadada olıp keçken adise-vaqialarnen bağlı haber, maqale ve intervyülarnı derc etken haber agentligidir. Maqaleler qırımtatarca, türkçe, ukraince, inglizce, rusça ve arapça çıqa.
