«Qırım haber agetligi» (QHA) Türkiye ofisiniñ müdiri, jurnalist Aydın Taş Ankarada avgustnıñ 8-nde vefat etti.
«Qırım haber agentligi (QHA) Türkiye ofisiniñ müdiri Aydın Taş vefat etti», – dep aytıla neşir saytındaki haberde.
Jurnalistniñ ölüm sebebi aydınlatılmay.
Ukrainanıñ Türkiye elçihanesi taziyeler bildirip, Aydın Taşnıñ yapqan işleri içün teşekkürler bildirdi.
«Qırımtatar halqınıñ sesi Türkiyede ve dünyada eşitilsin, Ukraina Türkiyede populârlaştırılsın ve küreşi añlatılsın dep, ve, ğaliba, eñ esası – Türkiye ve Ukraina arasındaki dostluq inkişafı içün köstergen ğayretleri içün minnetdarmız», – dep aytıla elçihaneniñ Facebook saifesinde.
«Qırım haber agentligi» – Rusiye işğal etken yarımadada olıp keçken adise-vaqialarnen bağlı haber, maqale ve intervyülarnı derc etken haber agentligidir. Maqaleler qırımtatarca, türkçe, ukraince, inglizce, rusça ve arapça çıqa.
