Link açıqlığı

Saatnıñ esas haberi

«Ayaqları çürüy»: Polozov mahküm etilgen Qırım sakini İvan Yatskinniñ alı aqqında aytıp berdi


İvan Yatskin
İvan Yatskin

Devlet hainliginen qbaatlanıp apis cezasına mahküm etilgen İvan İyatskinniñ "ayaqları çürüy". Bunı Qırım.Aqiqatqa advokat Nikolay Polozov bildirdi.

"Al-azırda İvan Yatskin kerçekten etap etile. Onı Qırımdan Kemerov vilâyetine avuştıralar. Şimdi o Krasnodar ülkesiniñ cezahanelerinden birindedir", - dedi Polozov.

Onıñ sözlerine köre, Yatskinniñ sağlı alı "müşkül".

"Onıñ ayaqlarınıñ sürekli damar hastalığı bar. Asılında, ayaqları çürüy. Qırımdan Krasnodar ülkesine etap etilgen zaman Yatskin ilâcları, sarğıları, gidrokolloid plastrleri -ayaqları içün kerek olğan er şeyinden marum qalğanı belli oldı. Coyuldı, ya da qızsızladılar. İç bir türlü tibbiy yardım oña kösterilmey, - dedi Polozov.

Mayısnıñ 21-nde Rusiye nezaretinde olğan Qırımnıñ Yuqarı mahkemesi «devlet hainliginen» qabaatlanğan Qırım sakini İvan Yatskinge üküm çıqardı. Alla Hineviçniñ reisliginde qadılar kollegiyası İvan Yatskinni bir yıl sıñırlav ile 11 yıl sert apis cezasına mahküm etti.

Ukraina TİN dünya toplulığını İvan Yatskinge çıqarılğan ükümge cevap bermesine çağırdılar.

Ukraina Yuqarı Radasınıñ insan aqları vekâletlisi Lüdmila Denisova «devlet hainliginen» qabaatlanğan İvan Yatskinniñ​ ukmüni takbih etti.

Yatskin «devlet hainliginen» qabaatlandı (Rusiye ceza qanunnamesiniñ 275 maddesi – QA). Bu dava boyunca bütün mahkeme oturışları qapalı keçirildi, mahkeme, dava materiallarında devlet sırı olğanına atfı ete edi.

Qırımnıñ Curçı rayonınıñ Aybar (Voykovo) köyüniñ sakini İvan Yatskin 2019 yılda oktâbr 16-sında tutuldı. Bu dekabr ayında belli oldı.

Rusiye tahqiqatı, Yatskin Qırımda olıp, UMT ile işbirlik yaptı ve «Rusiyeniñ devlet sırı» olğan malümatnı olarğa bildirdi, dep ayta.

Qırım.Aqiqatnıñ Ukraina telükesizlik hızmetine yollağan muracaat cevabında İvan Yatskin UTH ile işbirligi yapmadı, dep aytıla.

«Memorial» aq qorçalayıcı merkezi İvan Yatskinni siyasiy mabüs dep tanıdı.

Bloklav ve tsenzurasız haberler! Qırım.Aqiqat qullanımını qurmaq içün iOS ve Android.

XS
SM
MD
LG