Ukraina Yuqarı Radasınıñ insan aqları vekâletlisi Lüdmila Denisova «devlet hainliginen» qabaatlanğan İvan Yatskinniñ ukmüni takbih etti.
Bunı ombudsmannıñ matbuat hızmeti haber ete.
«Mahkemeniñ mına bu qanunsız ükmü, vaqtınca işğal etilgen Qırımda Ukraina tarafdarı mevamını serbest bildirgen vatandaşlarımızğa qarşı işğalci akimiyetniñ muntazam ve siyasiy basqılarınıñ numayışıdır», – dep yazıla bildirmede.
Denisova halqara toplulıqnı qanunsız ükümge cevap bermesine ve Rusiye qarşı basqını arttırmasına çağırdı.
Mayısnıñ 21-nde Rusiye nezaretinde olğan Qırımnıñ Yuqarı mahkemesi «devlet hainliginen» qabaatlanğan Qırım sakini İvan Yatskinge üküm çıqardı. Alla Hineviçniñ reisliginde qadılar kollegiyası İvan Yatskinni bir yıl sıñırlav ile 11 yıl sert apis cezasına mahküm etti.
Yatskin «devlet hainliginen» qabaatlandı (Rusiye ceza qanunnamesiniñ 275 maddesi – QA). Bu dava boyunca bütün mahkeme oturışları qapalı keçirildi, mahkeme, dava materiallarında devlet sırı olğanına atfı ete edi.
Qırımnıñ Curçı rayonınıñ Aybar (Voykovo) köyüniñ sakini İvan Yatskin 2019 yılda oktâbr 16-sında tutuldı. Bu dekabr ayında belli oldı.
Жизнь семьи крымчанина Ивана Яцкина после его ареста (фотогалерея)
Rusiye tahqiqatı, Yatskin Qırımda olıp, UMT ile işbirlik yaptı ve «Rusiyeniñ devlet sırı» olğan malümatnı olarğa bildirdi, dep ayta.
Qırım.Aqiqatnıñ Ukraina telükesizlik hızmetine yollağan muracaat cevabında İvan Yatskin UTH ile işbirligi yapmadı, dep aytıla.
«Memorial» aq qorçalayıcı merkezi İvan Yatskinni siyasiy mabüs dep tanıdı.
