Link açıqlığı

Saatnıñ esas haberi

Rusiyege qarşı cenkte qırımtatarı Asan Seydametov elâk oldı


Nümüneviy fotoresim
Nümüneviy fotoresim

Ukrayınada Rusiyege qarşı cenkte qırımtatarı Asan Seydametov elâk oldı. Bu aqta Qırımtatar Milliy Meclisiniñ reisi Refat Çubarov Facebook saifesinde bildirdi.

«Rusiye varvarları ile uruşta Ukrayına askeri, qırımtatarı Asan Seydametov elâk oldı. Qırımtatar Milliy Meclisi ve öz adımdan Asan Seydametovnıñ tuvğanları ve yaqınları – babası Dilâver, anası – Lemara, ömür arqadaşı – Gulnara, qızları – Zarema, Elzara, Venera, Safiye, torunı Evelina, doğmuş qardaşları Yaqub, Ayder, Ahtem, qız qardaşı Arzığa teren taziyelerimizni bildirem», – dep yazdı Çubarov.

Qırım.Aqiqatqa izaat bergen Refat Çubarov Asan Seydametov Ukrayına Silâlı quvetleriniñ 28-inci ayrı mehanizmleştirilgen brigadasınıñ arbiyi olıp, yanvarniñ 23-nde saba vefat etti, dep bildirdi. Seydametovnıñ ölüm yeri ve tafsilâtları aydınlatılmay.

Qırımtatar Milliy Meclisiniñ reisi bildirgenine köre, 2022 senesi mayısta Seydametovnıñ ailesi işğal etilgen Geniçesk rayonından acele bir şekilde Odesa vilâyetiniñ köylerinden birine tahliye etildi.

Bu künleri Ukrayına Devlet Mülki fondunıñ yolbaşçısı Rustem Umerov Ukrayınadaki cenkte Ukrayına Mudafaa nazirliginiñ Baş istihbarat idaresiniñ «Qırım» mahsus bölüginde askerlik yapqan qırımtatar Seyran Kadırov elâk oldı, dep bildirdi.

Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.

Bloklav ve tsenzurasız haberler! Qırım.Aqiqat qullanımını qurmaq içün iOS ve Android.

XS
SM
MD
LG