"Ğalebe künü"ne bağışlanğan arbiy paradnıñ baş repetitsiaysı salı künü, mayıs 7-sinde Aqmescitte keçirildi.
Şeerniñ baş soqağı - Kirova caddesinden - yerli garnizonnıñ askerleri, politsiya, Rosgvardiya, “Yunarmiya” gençler areketi, yerli orta mektepleriniñ kadet sınıflarınıñ talebeleri keçti, dep bildire Qırım.Aqiqat mühbiri.
Bundan ğayrı, soqaqlardan Rusiye Qara deñiz flotunıñ arbiy tehnikası keçti.
Kuybışeva meydanında Amet-Han Sultam meydanına qadar Kirova caddesi ve Sevastopolskaya soqağınıñ qapatıluvı içün, Aqmescit merkezinden keçken bütun naqliyat, yol politsiyası aylançıq yolğa yönetildi. Bundan sebep Kiyevskaya, Sevastopolskaya, Proletarskaya ve başqa soqaqlarda maşna tıqanıqlığı peyda oldı. Neticede - kimer şeerliler vaqtında iş ve oquşına barıp çıqamadı.
Qırım.Aqiqat mühbiri bildirgeni kibi, eñ çoq esli başlılar açuvlandı, çünki Merkeziy bazarğa barıp çıqmaq içün, bir qaç kilometr cayav ketmeli ediler.
İlhaq etilgen Qırımda 2014 senesinden soñ, “Ğalebe künü” - Qızıl ordu ve sovet halqınıñ natsist Almaniya üzerinde yeñiş bayramı kibi -sovet ve Rusiye bayramı qutlana. Ukrainada mayısnıñ 8-inde Hatıra ve barışıq Künü qayd etile, mayısnın 9-ında ise - Ekinci cian cenkinde natsizm üzerinde ğalebe Künü.
