Link açıqlığı

Saatnıñ esas haberi

Arbiy paradnıñ repetitsiyası sebebinden Aqmescitte tıqanıqlıq peyda oldı


Aqmescitte tıqanıqlıq (arhiv süreti)
Aqmescitte tıqanıqlıq (arhiv süreti)

Salı künü, mayısnıñ 7-sinde saba, Aqmescit soqaqlarında tıqanıqlıq oldı - şeerde “Ğalebe künü”ne bağışlanğan paradnıñ büyük repetitsiyası yapıla.

“Yandex.Probki” hızmetiniñ malümatına köre, tıqanıqlıq, şeer merkezinde naqliyat areketiniaman-aman toqtattı. Böylece, eñ büyük maşna sıqışıqlığı Karaimskaya, Sevastopolskaya, Mayakovskogo, Jukovskogo, Kiyevskaya soqaqlarında ve Pobedı caddesinde peyda oldı.

Bildirilgenine köre, mayısnıñ 7-sinde Aqmescitte “Ğalebe künü”ne bağışlanğan arbiy paradınıñ baş repetirsiyasını keçirmek içün, şeerniñ merkeziy soqaqları qapatılacaq.

İlhaq etilgen Qırımda 2014 senesinden soñ, “Ğalebe künü” - Qızıl ordu ve sovet halqınıñ natsist Almaniya üzerinde yeñiş bayramı kibi -sovet ve Rusiye bayramı qutlana. Ukrainada mayısnıñ 8-inde Hatıra ve barışıq Künü qayd etile, mayısnın 9-ında ise - Ekinci cian cenkinde natsizm üzerinde ğalebe Künü.

XS
SM
MD
LG