Aqyarda Belbek özeniniñ suv aluv yapısında deñev işletüv işleri başlandı. Bunıñ martnıñ 1-nde şeerniñ Rusiye ükümeti haber etti.
«Er şey cedvelge boyunca: elektrik qısmında deñev işletüv işleri tünevin keçirildi. Bugün Belbek özenindeki obyektniñ işletilmesini başlaymız. Aynı zamanda yantayğan topraqlarnı abadanlaştırmağa devam etemiz, borularnı yuvamız. Er şey azır. Bugün borulardan suv yiberecekmiz», – müessiseniñ matbuat hızmeti şeer başı muavini Nikolay Jigulinniñ aytqanlarından alıntı ketire.
Onıñ aytqanına köre, esnas çoq basamaqlı kompleks suv arıtıluvını közde tutua. Deñev işletüv işlerni martnıñ soñunace yökünleycek olalar.
Belbek özeni üzerinde suv arıtuv inşaatları, suv boru tulumba stantsiyaları ve suv aluv yapısı ile gidrotehnik inşaatlarnıñ quruluvı taşqan suvnıñ Dnipro suv beketine aqtarmasını közde tutu.
Aqyarnı tatlı suvnen temin etmek içün Belbek özeninde suv aluv yapısınıñ quruluvı 2021 senesi fevralnıñ soñunace yekünlenecek, dep haber etti Rusiye Mudafaa nazirligi.
Вода для Севастополя: наполнили ли осадки Чернореченское водохранилище? (фотогалерея)
Ukraina, Qırımnıñ içecek suv ihtiyaclarınıñ 85%-ni yarımadanen bağlağan Dnipro aqıntı yolu olğan Şimaliy-Qırım kanalı vastasınen teminlegen edi. 2014 senesi Rusiye Qırımnı işğal etken soñ yarımadağa suv berilmesi toqtatıldı.
Qırımdaki suv yedekleri suv anbarları ve yerastı çoqraqlardan toldurıla. Ekologlarnıñ aytqanına köre, yerastı çoqraqlarnıñ muntazam sürette qullanılması yarımadada topraqnı tuzlattı. Qırım akimiyeti yarımada sakinlerini suvnı az qullanmağa çağıra.
2020 senesi Qırımdaki suv teminlevi vaziyeti kritik oldı. Qırımlı alimlerniñ bildirgenine köre, yağanaqlar yağmağanı içün ve qar az yağğan qış neticesinde qurğaqlıq oldı.
Avgustnıñ soñunda Aqmescitte, Aqmescit ve Bağçasaray rayonlarında suv berüv cedvelleri kirsetilgen edi. Daa soñra Qarasuvbazarda, Qarasuvbazar rayonında ve qısmen Aluştada cedveller kirsetildi.
Kreml kontrolindeki Qırım yolbaşçısı Sergey Aksenov Rusiye Qırımnıñ suv teminlevini fevqulâde vaziyet olaraq tanıması mümkün, dep ayta. O, 2020 senesi 150 yıl içinde eñ quru oldı, dep bildirdi.
Rusiye akimiyeti yañı suv boruları, suv qoralarınıñ quruluvına ve quyu qazıluvına milliardlarnen ruble ayırdı.
BM Ukraina Monitoring missiyası, halqara uquqqa köre, Rusiye Qırım ealisini suvnen temin etüvden mesüliyetli ola, dep israr ete.
Resmiy Kyiv, Şimaliy-Qırım kanalından suv yarımadağa tek Qırım işğalden qurtarılğan soñ berilecek, dep bildire.