Aqyarda aprelniñ 27-28-inde Pasha bayramını qutlanması sebebinde yol areketi sıñırlanacaq. Bu aqta şeerniñ rusiyeli akimiyeti bildire.
Cumaertesi künü, aprelniñ 27-sinde Yeroşenko ve Dmitriya Ulyanova soqaqlarında saat 20:30-dan aprelniñ 28-inde saat 4:00-ğace, ve Drevnâya soqağında saat 20:30-dan tedbirler bitkeninece naqliya yürüşi yasaqlanğan.
Bazar künü haç yürüşi devamında Gromova soqağı ve V.Simonka soqağınıñ bir qısmında yol areketi sıñırlanacaq.
Vaqtınca naqliyatnıñ toqtav ve turağı 50-letiya SSSR meydanında sıñırlanacaq.
Sıñırlavlar cemaat naqliyatı, ekskursiya avtobusları, bala taşığan avtobuslar ve sıñırlav mıntaqasında yaşağan adamlarnıñmaşnalarına tarqalmay.
Pasha bayramınen bağlı tedbirler keçirileceginden sebep, Aqmescitniñ merkeziy soqaqları aprelniñ 27-sinden 28-ine gece naqliyat içün qapatılacaq.
Pravoslav hristianlar bazar künü, aprelniñ 28-inde Pashanı - İsa mesihniñ tirilüvi bayramını - qutlaycaq.
