Pasha bayramınen bağlı tedbirler keçirileceginden sebep, Aqmescitniñ merkeziy soqaqları aprelniñ 27-sinden 28-ine gece naqliyat içün qapatılacaq. Böyle qararnı Aqmescitniñ rusiyeli memuriyetiniñ başı Natalya Malenko imzaladı, dep bildire matbuat hızmeti.
“Saat 20:30-dan başlap saat 6-ğace böyle soqaqlarda yol areketini toqtatmaq: Gogolâ, Geroyev Acımuşkaya, Bolşevistskaya, Petropavlovskaya, Serova”, - denile beyanatta.
Bundan ğayrı vesiqağa köre, aytılğan soqaqlarda pasha gecesi maşna park etilmesi yasaqlanğan, anda polis devamlı devriya yapacaq.
Pravoslav hristianlar bazar künü, aprelniñ 28-inde Pashanı - İsa mesihniñ tirilüvi bayramını - qutlaycaq.
