Aqyarnıñ rusiyeli akimiyeti özüni izolâtsiya etüv rejimini bozğan sakinlerge qarşı 423 protokol tizgenlerini bildirdi. Rusiye nezaretindeki şeer mahkemeleri 25 biñden ziyade cöremeler aqqında 22 qararnı qabul etti.
Bunı Aqyar ükümetiniñ matbuat hımeti bildire.
"Rusiye qanunlarına köre, cöreme vaziyetke bağlı ve 1 biñden 30 biñgece ola bile", - denile beyanatta.
Qayd etile ki, Aqyarda patruller özüni izolâtsiya etüvniñ teşkermesini devam ete.
Daa evel Qırımnıñ Rusiye yolbaşçısı Sergey Aksenov, aprelniñ 24-nde 10 koronavirus hastası qayd etilip, rekord oldı, dep bildirdi. Qırımda 67 koronavirus hastası qayd etildi.
Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.
O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.
2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.
