Qırımda aprelniñ 24-nde bir künde 10 koronavirus hastası qayd etildi, dep bildire Kreml kontrolindeki Qırım yolbaşçısı Sergey Aksenov.
«Yedisi faal qayd etildi. Eki kişi tibbiyet hadimidir, bu adiseler qırğınlıqqa qarşı tedbirler ve daa evel tasdıqlanğan COVID-19 adiselerinden sebep keçirilgen laborator skriningi neticesinde qayd etildi. Daa üç hasta keskin nefes virus yuqunçı alâmetlerinen ve tasdıqlanğan «hastahaneden tış pnevmoniya» diagnozınen tibbiy yardım içün muracaat etkende qayd etildi», – dep qayd etti Aksenov.
Onıñ aytqanına köre, al-azırda Qırımda 67 yañı koronavirus hastası qayd etildi, «20-si çetelden keldi, 10-u Rusiye subyektlerinden keldi, 37-si yerli ola».
Hatırlatamız, aprelniñ 24-nde 57 koronavirus hastası aqqında haber etilgen edi.
Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.
O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.
2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.
