Yanvarnıñ 6-nda Aqyarda 91 yañı koronavirus hastası qayd etildi, bu ise yañı antirekord. Bunı şeerniñ Rusiye ükümeti haber ete.
Berilgen malümatqa köre, 6 kişi öldi, 73 – tedaviylendi.
Umumen paydemiyanıñ başından Aqyarda 7375 insan yañı koronavirus yuqunçına oğradı. 6793 insan tedaviylendi, 264 öldi.
Hatırlatamız ki, yanvarnıñ 6-nda Aqyarda 90 yañı hasta qayd etildi ve 5 öldi.
Rusiye nezareti astındaki Qırım ve Aqyar akimiyetiniñ koronavirus tarqaluvına dair statistikasını halqara teşkilâtlar ve diger mustaqil menbalar tasdıqlamay. Ukraina aq qorçalayıcıları Qırımnıñ Rusiye akimiyeti hasta sayısını eksiltip bildire, dep bildirgen edi.
Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.
O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.
2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.
