Aqyarda yanvarniñ 6-nda saba 90 yañı COVID-19 hastası qayd etildi. Bu pandemiya vaqtında şeerde bir künde qayd etilgen eñ büyük hasta sayısıdır.
«Tüzelgen 85 kişi yiberildi. 67 yaştan 89 yaşqa qadar beş insan vefat etti. Umumen Aqyarda 7284 kişi yañı koronavirus yuqunçından vefat etti. 6720 insan tüzeldi, 258 kişi vefat etti», – dep aytıla haberde.
Akimiyetniñ malümatına köre, COVID-19 diagnozı tasdıqlanğan 172 kişi hastahanede buluna. 212 insan yengil hastalar bölüginde qala, 596 kişi közetile.
Bir kün ögüne Aqyarda bir künde qayd etilgen 88 hasta aqqında haber etildi.
Qırımda bir künde 225 koronavirus hastası qayd etildi. Umumen pandemiya vaqtında 26702 COVID-19 hastası qayd etildi, tüzelgen 21009 kişi çıqarıldı, 556 insan vefat etti.
Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.
O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.
2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.
