Aqyarda daa dört yañı koronavirus hastası qayd etildi. Olarnıñ arasında №9 hastahanesiniñ eki patsiyeti, №4 şeer hastahanesiniñ tiş ekimi ve Belbekteki qurulış meydançığınıñ işçisi.
Aqyar ükümeti bildirgeni kibi, infektsion hastahane, №9 şeer hastahanesi ve Rusiye Mudafaa nazirliginin hastahanesinde 68 COVID-19 hastası bar.
İnfektsion hastahanede 143 adam nezaret altında buluna, №9 şeer hastahanesinde - 57 adam. Yaşağan yerlerinde 1052 adam nezaret etile.
Aprelniñ 29-ında sabasınace Qırımda daa 10 yañı COVID-19 adisesi qayd etildi.
Umumen Aqyarda 77 hastalıq adisesi qayd etildi, Qırımda ise - 89.
Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.
O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.
2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.
