Aqyarda iyülniñ 3-ünde yañı COVID-19 adisesi qayd etilmesi. Bunı şeerniñ rusiyeli akimiyeti haber ete.
Umumen yılnıñ başından berli Aqyarda koronavirus infektsiyasınen 236 adam hastalandı. Şimdilik 37 adam hastahanede yata. 187 adam yahşı oldı, 4 adam vefat etti.
Tünevin işğal etilgen Qırımda daa bir koronavirus hastası vefat etti. Böylece, ölgenlerniñ umumiy sayısı 30 adam oldı.
Bundan ğayrı, 3 477 adam tibbiy nezaret astında olğanı bildirile. Olardan 2506-ı - evlerinde, 277-si - hastahanelerde ve 694-ü - observatorlarda baqıla.
Hatılatamız, Qırımda altı yañı koronavirus hastası qayd etildi, hastalanğanlarnıñ umumiy sayısı - 712 adam
Ukrainada iyülniñ 3-üne qadar 46 763 COVID-19 hastası qayd etildi, 1212 adam vefat etti, 20 558 hasta yahşı oldı.
Dünyada 10,9 millionğa yaqın koronavirus hastası qayd etildi. 521 298 adam vefat etti, 5,7 milliondan ziyade adam yahşı oldı.
Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.
O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.
2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.
