Link açıqlığı

Saatnıñ esas haberi

Aqyarda bir künde COVID-19 hastalarınıñ sayısı artqanını qayd eteler


Nümüneviy resim
Nümüneviy resim

Aqyarda iyünniñ 15-nde 43 yañı koronavirus hastası qayd etildi, 83 yaşında bir insan vefat etti, dep bildire şeerniñ Rusiye ükümeti. Bir kün evelsi 39 koronavirus hastası, iyünniñ 13-nde ise 35 COVID-19 hastası qayd etilgen edi.

«Umumen (pandemiya vaqtında – QA) Aqyarda 15 365 insan yañı koronavirus yuqunçına oğradı. Al-azırda 13 989 insan tüzeldi, 703 kişi vefat etti. 300 insan közetile – bu insanlar hastalarnen alâqada oldı, amma COVID-19 diagnozı tasdıqlanmadı», – dep aytıla haberde.

Aqyarnıñ Rusiye akimiyeti şeerniñ yuqunç hastanesiniñ 80%-ı tolu, dep bildirgen edi.

Keçken künü Qırımda, yerli akimiyetniñ malümatına köre, 140 koronavirus hastası qayd etildi, dört hasta koronavirustan vefat etti, umumen pandemiya vaqtında 1422 insan keçindi. Qırım kütleviy haber vastalarınıñ talillerine köre, Qırım qışta olğan koronavirus hasta sayısına qayttı.

Rusiye nezareti astındaki Qırım ve Aqyar akimiyetiniñ koronavirus tarqaluvına dair statistikasını halqara teşkilâtlar ve diger mustaqil menbalar tasdıqlamay. Ukraina aq qorçalayıcıları Qırımnıñ Rusiye akimiyeti hasta sayısını eksiltip bildire, dep bildirgen edi.

COVID-19 koronavirus yuqunçı

Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.

O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.

2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.

XS
SM
MD
LG