Link açıqlığı

Saatnıñ esas haberi

Aqyarda 87 yañı hasta qayd etildi, 6 kişi vefat etti – akimiyet


Nümüneviy resim

Aqyarda dekabrniñ 30-nda saba 87 yañı COVID-19 hastası qayd etildi, altı hasta vefat etti. Bu aqta şeerniñ Rusiye ükümetiniñ matbuat hızmeti bildirdi.

«Hastalar – dört yaştan 81 yaşqa qadar insanlar. 114 kişi tüzelgen soñ yiberildi. 66 yaştan 98 yaşqa qadar altı insan vefat etti», – dep aytıla haberde.

Qayd etilgenine köre, yılnıñ başından Aqyarda 6678 insan yañı koronavirus yuqunçına oğradı. 6266 insan tüzeldi, 234 hasta vefat etti.

Al-azırda 151 insan hastahanelerde buluna, yengil hastalar bölüginde 171 kişi buluna.

Bundan ğayrı, 621 insan közetile.

Keçken künü Qırımda 331 koronavirus hastası qayd etildi, 14-üniñ hastalıq alâmetleri yoq.

Qırım ve Aqyardaki Rospotrebnadzor idaresi yarımadada koronavirus yuqunçından vefat etkenlerniñ sayısı artmağa devam ete, dep qayd ete. Qırımnıñ Rusiye sağlıq nazirligi malümatına köre, keçken künü 8 insan vefat etti. Pandemiya vaqtında COVID-19-dan vefat etkenlerniñ sayısı 500 oldı.

Rusiye nezareti astındaki Qırım ve Aqyar akimiyetiniñ koronavirus tarqaluvına dair statistikasını halqara teşkilâtlar ve diger mustaqil menbalar tasdıqlamay. Ukraina aq qorçalayıcıları Qırımnıñ Rusiye akimiyeti hasta sayısını eksiltip bildire, dep bildirgen edi.

Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.

O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.

2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.

XS
SM
MD
LG