Link açıqlığı

Saatnıñ esas haberi

Qırımda koronavirustan vefat vaziyetinde müsbet bir deñişüv yoq – Rospotrebnadzor


Qırım ve Aqyardaki Rospotrebnadzor idaresi yarımadada koronavirus yuqunçından vefat etkenlerniñ sayısı artmağa devam ete, dep qayd ete.

«Koronavirustan vefat etkenlerni aytsaq, vaziyet eyileşmedi, vefat etkenlerniñ sayısı kene de çoq. Soñki afta 55 kişi vefat etti. Keçken afta 53 vefat oldı. Vefat etkenlerniñ çoqusı 65 yaş altındadır. Vefat sayısı stabilleşüv raqamından farqlı degil», – dep bildirdi Penkovskaya dekabrniñ 30-nda COVID-19 ile küreş operativ ştabınıñ toplaşuvında.

Qırımnıñ Rusiye sağlıq nazirligi malümatına köre, keçken afta 8 insan vefat etti. Pandemiya vaqtında COVID-19-dan vefat etkenlerniñ sayısı 500 oldı.

«3224 kişi (covid) ambulator tedaviylevde, 2892 insan (covid ve pnevmoniya) hastahanelerde buluna, 7 insan observatorlarğa alındı. Umumen 24854 COVID-19 hastası qayd etildi. Tüzelgen 19687 kişi yiberildi», – dep aytıla müessise malümatında.

Keçken afta Penkovskaya koronavirus hastalarınıñ vefat sayısında antirekordnı qayd etken edi.

Onıñ aytqanına köre, hastalarnıñ yardım içün keç muracaat etmesi eñ sıq rastkelgen sebeplerden biri ola.

Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.

O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.

2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.

XS
SM
MD
LG