Aqyarda fevralniñ 22-nde saba 63 yañı COVID-19 hastası bar, tüzelgen 57 insan yiberildi, keçken künü bu yuqunçtan 54 yaştan 62 yaşqa qadar üç hasta vefat etti, dep haber ete şeerniñ Rusiye ükümeti.
«Umumen Aqyarda 11567 insan yañı koronavirus yuqunçına oğradı. 10429 insan yahşı oldı, 475 kişi vefat etti», – dep aytıla haberde.
Akimiyetniñ malümatına köre, COVID-19 tasdıqlanğan 248 insan hastahanelerde buluna, alı ağır olmağanlar bölüginde 22 insan yata, 667 kişi közetile.
Keçken künü Qırımda 86 koronavirus hastası qayd etildi. Keçken künü Khırımda beş hasta koronavirustan vefat etti, pandemiya vaqtında vefat etkenlerniñ sayısı 900 oldı. Umumen epidemiya başlağanından 35316 COVID-19 hastası qayd etildi. Tüzelgen 310004 insan yiberildi.
Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.
O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.
2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.
