Keçken künü Aqyarda 27 yañı COVID-19 hastası qayd etildi, dep bildirdi şeerniñ Rusiye ükümetiniñ matbuat hızmeti.
Aynı zamanda 71 yaşından 77 yaşına qadar üç insan vefat etken. 40 hasta tedaviylengen soñ hastahaneden çıqarılğan.
«Umumen Aqyarda 14 239 insan yañı koronavirus yuqunçına oğradı. Al-azırda 13 132 kişi tüzeldi, 643 insan vefat etti», – dep qoştılar matbuat hızmetinde.
260 insan közetile – olar hastalarnen alâqada oldı, amma COVID-19 diagnozı tasdıqlanmadı.
Tünevin Qırımda 104 yañı koronavirus hastası qayd etildi, 4-niñ hastalıq alâmetleri yoq edi. Bu aqta Qırımnıñ Rusiye başı Sergey Aksönov bildirdi.
Крым и коронавирус: история пандемии на полуострове в фотографиях (фотогалерея)
Rusiye nezareti astındaki Qırım ve Aqyar akimiyetiniñ koronavirus tarqaluvına dair statistikasını halqara teşkilâtlar ve diger mustaqil menbalar tasdıqlamay. Ukraina aq qorçalayıcıları Qırımnıñ Rusiye akimiyeti hasta sayısını eksiltip bildire, dep bildirgen edi.
