İyün 17-sinde Aqyarda dört yañı koronavirus hastası tasdıqlandı, bildire şeerniñ rusiyeli akimiyetiniñ matbuat hızmeti.
"Bu, evel Sankt-Peterburgdan hastalanıp kelgen adamnıñ babası ve Aqyarğa qazanmaq içün kelgen adamlar, olarnıñ testi müsbet edi", - denile beyanatta.
Akimiyetniñ malümatına köre, Qırım ve Aqyarda 512 koronavirus hastası qayd etildi. 137 adam Qırım hastahanelerinde tedaviylene, 361 adam yahşı olıp hastahaneden çıqtı.
«На сегодняшний день в инфекционной больнице находится под наблюдением 78 человек, в городской больнице № 9 – 88. Под наблюдением по месту жительства – 745 человек. За 16 июня тестирование на пунктах пропуска и на железнодорожном вокзале прошли 833 человека. В режиме обсерватора работает пансионат «Изумруд», – подчеркнули в сообщении.
İlhaq etilgen Qırımda çarşenbe künü saba COVID-19-dan ölgenlerniñ sayısı 18-ge keldi.
Qırımda, Rusiye akimiyetiniñ malümatına köre, 575 yañı koronavirus hastası qayd etildi. Aqyarda 187 kişi hasta oldı. 152 insan tüzeldi, 3 kişi vefat etti.
Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.
O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.
2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.
