Martnıñ 24-ünde saba Aqyarnıñ şeer infektsiya hastahanesinde 17 adam nezaret altında buluna, daa 173 adamnı evlerinde baqalar. Bunı Aqyar sağlıq departamenti haber ete.
Müessise, şeerde koronavirus hastları olmağanını qayd etti.
Daa evel Aqyaryarnıñ rusiyeli şeer başı Mıhail Razvojayev haber etkeni kibi, bala bağçaları çalışıp tura, amma sanitar nezareti rejimini küçleştirdiler.
Tünevin Razvojayev, çetelden kelgen aqyarlılarnı bu malümatnı gizlememek çağırttı.
Martnıñ 23-ünde Aqyarda 164 adam ev nezaretinde buluna, olarndan 151 adam çetelden qayttı.
Qırımnıñ rusiyeli Sağlıq Nazirliginiñ başı İgor Çemodanov, Qırımda koronavirus yayılması sebebinden 754 adam nezaret altında bulunğanını haber etti.
