Aqyar bala bağçaları çalışıp tura, amma sanitar nezareti rejimini küçleştirdiler, haber ete rusiyeli şeer başı Mıhail Razvojayev.
"Bütün işçilerniñ saba sıcağı baqıla, odalarnıñ dezinketsiyası keçirile, aşhane işçileri maska ve qolçaqta çalışa. Çare olğanlar balalarını evde qaldıra. Açıq bala bağçaları cocuqlarnıñ ana-babalarına işke qatnamağa imkân bere", - añlattı o.
Tünevin Razvojayev, çetelden kelgen aqyarlılarnı bu malümatnı gizlememek çağırttı.
Martnıñ 23-ünde Aqyarda 164 adam ev nezaretinde buluna, olarndan 151 adam çetelden qayttı.
Qırımnıñ rusiyeli Sağlıq Nazirliginiñ başı İgor Çemodanov, Qırımda koronavirus yayılması sebebinden 754 adam nezaret altında bulunğanını haber etti.
⠀
