Aqyar demiryol vokzalından poyezd Rusiyeniñ Sankt-Peterburg şeerine ketti. Naqliyat cedvel boyunca yolğa çıqtı, dep bildire yerli matbuat.
"Krıminform" matbuatınıñ malümatına köre, №8 Aqyar - Sankt-Peterburg poyezdine 670 bilet satıldı. Aqyarda 367 adam oturdı, Aqmescitte 217 qoşulacaq, Qırımnıñ başqa stantsiyalarında ise daa 86 yolcu qoşulacaq.
Seferniñ devamlığı bir kün 19 saat 25 daqqa olacaq.
Qırım vaqtınen qararnen saat 2:00 Sankt-Peterburgdan ilhaq etilgen Aqyarğa ketken "Tavriya" poyezdi Keriç köprüni ötti. Dekabr 25-inde saba saat 9:25 Aqyarnıñ demiryol vokzalına "Tavriya" rusiye passajir poyezdi kelip çıqtı.
Dekabrniñ 23-ünde Rusiye prezidenti Vladimir Putin Keriç boğazından keçken köpründe poyetlerniñ yürmesini başladı.
«Grand Servis Ekspress» naqliyat şirketi noyabrniñ 8-nde saba Keriç köprüden ketecek Qırımnıñ yolcu trenlerine bilet satıp başladı.
