Aqyarnıñ rusiyeli akimiyeti “Musson” sport kompleksini açmağa ruhset berdi, dep bildire şeer akimiyetiniñ matbuat hızmeti.
Ticaret merkeziniñ saibi yanğın havfsızlığınen bağlı qaide bozmalarını yoq etti ve yanğınğa qarşı kerekli sistemalarnı yerleştirdi, dep bildire akimiyetniñ matbuat hızmeti.
“Binanıñ yanğın havfsızlığını bütünley teşkerdik. Bütün komplekste, mahkeme qayd etken qaide bozmaları yoq etildi. Bugünge bina bütün yanğın havfsızlığı qaidelerine uya”, - dep bildirdi Rusiye FVN-niñ Aqyar idaresiniñ baş muavini Anatoliy Popov.
Dekabr 19-da Aqyarda rusiye nezaretindeki prokuratura binası yanında, ticaret merkezini açmaq talabınen“Musson”nıñ 200-ge qadar hadimi toplandı.
Dekar 18-de de insanlar “Musson”nı açmaq talabınen Aqyar prokuraturası yanında toplana edi.
Mayısnıñ 24-ünde Kreml nezareti altındaki Aqyar şeer mahkemesi, aynı - yanğın havfsızlığı qaideleri bozulğanı içün, “Musson” TM-niñ işini toqtattı. Qırım ve Aqyarda büyük sayıda adamlar toplanğan yerlerde itinanen yapılğan teşkerüvler martnıñ soñunda başlandı. Onıñ sebebi - Kemerovo rusiye şeerinde yüz bergen facia, anda yanğında, resmiy malümatqa köre, 64 adam elâk oldı.
