Link açıqlığı

Saatnıñ esas haberi

Aqyar: prokuratura binası yanında “Musson” ticaret merkezini açmaq talabınen iş adamları toplandı


Dekabr 19-da Aqyarda rusiye nezaretindeki prokuratura binası yanında, ticaret merkezini açmaq talabınen“Musson”nıñ 200-ge qadar hadimi toplandı dep haber ete Qırım.Aqiqat mühbiri.

İş adamları, o arada bina içinde olğan prokuror Mark Bolşedvorskiynen körüşmek istey.

Adamlar, şeer prokurorınen körüşüv keçmegence, müessise yanında er kün toplanmaq niyetlerini bildirdi.

İş adamlarnıñ aytqanına köre, ticaret merkezi açılır ve Yañı yıl bayramınace aqça qazanıp yetiştirirler dep ümüt eteler.

Dekar 18-de de insanlar “Musson”nı açmaq talabınen Aqyar prokuraturası yanında toplana edi.

Mayısnıñ 24-ünde Kreml nezareti altındaki Aqyar şeer mahkemesi, aynı - yanğın havfsızlığı qaideleri bozulğanı içün, “Musson” TM-niñ işini toqtattı. Qırım ve Aqyarda büyük sayıda adamlar toplanğan yerlerde itinanen yapılğan teşkerüvler martnıñ soñunda başlandı. Onıñ sebebi - Kemerovo rusiye şeerinde yüz bergen facia, anda yanğında, resmiy malümatqa köre, 64 adam elâk oldı.

XS
SM
MD
LG