Aqmescittek Rusiye kontrolindeki Qırım garnizon arbiy mahkemesiniñ binası ögünde quvetçiler 19 kişini tuttı. Bu insanlar Qurmandaki «Hizb ut-Tahrir davası» mabüslerine çıqarılğan ükümge qarşı istinaf baqılacaq oturışuvğa diñleyici olaraq kelgenini ayta.
Bu aqta «Qırım birdemligi» cemaat birleşmesi Qırım.Aqiqatqa haber etti.
Birleşme tutulğan insanlarnıñ cedvelini derc etti:
- Karaliyev Seyt-Osman Vladeroviç;
- Memetov Dilâver Remziyeviç;
- Aliyev Ulviy Rustemoviç;
- Umerov Amethan Ayderoviç;
- Seydaliyev Mustafa Ayderoviç;
- Seytumerov Abdulmecit;
- Yakubov Eldar Eskenderoviç;
- Nimetulayev Remzi Sinaveroviç;
- Mustafayev Seydamet Enveroviç;
- Setaliyev Nariman Seytveliyeviç;
- Ametov Rasim Ruştiyeviç;
- İbraimov Kulamet Enveroviç;
- Zeynetdinova Zera Enverovna;
- Bekirova Suvade Seyranovna;
- Seytumerova Pakize Alişerovna;
- Nemetullayeva Zarema Capparovna;
- İbraimova Zulâra Settarovna;
- Yakubova Safiye Eldarovna;
- Lümanova Lilâ Mansurovna.
Birleşme qayd etkenine köre, Aqmescitniñ Merkeziy rayon polis bölügine ketirilgen tutulğanlarğa advokat Nazim Şeyhmambetov kirsetilmedi. Uquqçı Qırım prokuraturasına şikâyette bulundı.
Şeyhmambetovnıñ faallerge bildirgenine köre, tutulğanlar arasında «ine urulması kerek olğan insulinge bağlı qadın, ağır ayaqlı qadın ve çağına yetmegen qız bar».
Rusiye uquq qoruyıcıları ve Kreml kontrolindeki Qırım akimiyeti vaziyetni tefsir etmey.
Aqmescitteki mahkeme ögünde noyabrniñ 1-nde insanlar tutulğanı aqqında «Qırım birdemliginiñ» mühbiri bildirdi. O, adise yerinden canlı yayın yaptı. Başta 17 insan tutuldı, dep aytıldı.
