Link açıqlığı

Saatnıñ esas haberi

Aqmescitte Qırım ilhaqınıñ beş yıllığına bağışlanğan avtoyürüş ötkermege niyetleneler


Martnıñ 150inde Aqmescitte Qırım ilhaqınıñ beş yıllığına bağışlanğan Rusiye bayraqlı avtoyürüşni ötkermege niyetleneler. Bu aqta şeerniñ rusiyeli akimiyeti bildire.

Memurlar, merasimde yarımadanıñ milliy-medeniy dernekleriniñ vekilleri de iştirak etecek dep bildire.

“Bayraqlı avtoyürüş böyle soqaqlardan keçecek: Voykova - Sevastopolskaya - Kirova caddesi - Kuybışeva meydanı - Kiyevskaya - Moskovskaya meydanı - Kiyevskaya - “Yujnaya Galereya” Ticaret Merkezi”, - denile beyanatta.

Teşkilciler, avtoyürüş iştirakçileriniñ toplaşuvı 2019 senesi martnıñ 15-inde Voykova soqağında saat 15:00-dan saat 15:30-ğace olacaq.

Daa evel Kreml nezaretindeki Aqyar (Sevastopol) akimiyeti ilhaqnıñ beş yıllığını qutlav tedbirleri cedlevilini tasdıqladı. Rusiyeli şeer akimiyetiniñ saytı bildirgenine köre, fevral 23-ünde Yekaterina skverinden, “Aqyar samooboronası”nıñ, 1941-1945 yılları Aqyarnıñ qaramaniy mudafaası Eykeline qadar yürüşi olacaq. Ve mart 15-17-sine “Russkaya vesna” (“Rus baari”) yelken regatası ve, “Noçnıye volki” rusiye baykerleri teşkil etken Aqmescit-Aqyar-Gasforta dağı yolunen avtoyürüş niyetlenile.

2014 senesi Qırımda dünyada tanılmağan «referendum» keçirilgende iç bir işareti olmağan insanlar peyda olğan edi. Olar Ukraina ordusınıñ areketlerini blok etken edi. Daa soñra Rusiye prezidenti Vladimir Putin «nezaketli insanlarnıñ» Rusiye Silâlı quvetleriniñ hadimleri olğanını tanıdı.

Halqara teşkilâtlar, Qırımnıñ işğali ve ilhaqını qanunsız tanıp, Rusiyeniñ areketlerini takbih ettiler. Ğarp devletleri bir sıra iqtisadiy sanktsiyalarnı qullandı. Rusiye, yarımadanı işğal etkenini inkâr etip, buña «tarihiy adaletniñ tiklenmesi», dey. Ukrainanıñ Yuqarı Radası 2014 senesi fevralniñ 20-ni, Rusiye tarafından Qırım ve Aqyarnıñ muvaqqat işğali başlağan künü olaraq resmen ilân etti.

XS
SM
MD
LG