Aqmescitte Lenin meydanında pensiyalı Eduard Şeynker, sovet akimiyetiniñ başı Vladimir Leninniñ doğğan kününde, Qırım akimiyetine qarşı bir kişilik piketke çıqtı. Bu aqta Qırım.Aqiqatqa “Qırım qazaqlığı”nıñ atamanı Sergey Akimov bildirdi.
Pensiyalı Sovet Birliginiñ bayrağı ve İosif Stalinniñ suretinen tura.
Haber derc etilgen vaqıtqa Qırımnıñ rusiyeli akimiyetiniñ iç bir tefsiri yoq edi.
Martnıñ 18-inde de Eduard Şeynker yarımadanıñ rusiyeli akimiyetine qarşı bir kişilik piketine çıqqan edi.
