Martnıñ 18-inde Qırımda yarımadanıñ rusiyeli akimiyetine qarşı bir adamlıq piketler keçti. Bu aqta Qırım.Aqiqat mühbiri bildirdi.
Canköyde saqat olğan qırımlı İgor Nikitenko merkeziy meydanğa çıqtı. Onıñ aytqanına köre, onı Devlet Dumasınıñ Qırım mebusı Mihail Şeremet kötekledi. Nikitenko, “Meni mebus Şeremet kötekledi. Qanun qayda? Onı vekâletlerinden marum qaldırmağa talap etem!” yazısınen piket yaptı.
Eki piket Aqmescitte yapılğan. Bir adamlıq piketlerge Lenin adına meydanğa pensiyalı Eduard Şeinker, Qırım prokuraturasınıñ binasına ise sabıq sovet askeri Aleksey Yakovlev çıqqan.Olar Qırım akimiyetiniñ istifasını talap etken.
Qırım cemaatçısı Sergey Akimov da Aqmescitte piket keçirecek edi. O, Qırım.Aqiqat mühbirine bildirgenine köre, martnıñ 18-inde onıñ etrafını bilinmegen adamlar sardı, bir kün evel ise akimiyet binası yanında iç bir şey uydurıp keçirmesin dep gizli telefon çağıruv yapıldı.
