Koronavirus infektsiyasınıñ tarqalması sebebinden Aqmescitteki Tezikov adına tsirk işini vaqtınca toqtattı. Bunı tsirkniñ idaresi bildire.
"Koronavirus infektsiyasınıñ tarqalması sebebinden Aqmescit devlet tsirki öz işini vaqtınca bir ayğa toqtata", - denile beyanatta.
Rospotrebnadzornıñ soñki malümatına köre, Qırım ve Aqyarda 58 adam karantinde tutula.
Martnıñ 12-sinde Dünya sağlıq teşkilâtı koronavirus pandemiyasını ilân etti.
Yañı çeşit koronavirus yuqunçı 2019 senesi dekabr ayında Qıtayda tarqalıp başladı.
2019-nCov (COVID-19) virusı büyük koronaviruslar gruppasına aittir. Bazılarda hastalıq qolay keçe, bazılarınla suvuqlanuv ve gripp alâmetleri, em de yüksek sıcaq ve öksürik bar, ağır hastalarda nefes tarlığı qayd etile. Bu öldürici ola bilecek pnevmoniyağa keçe bile.
