Link açıqlığı

Saatnıñ esas haberi

Aqmescit: Qırımtatar sürgünligi qurbanlarınıñ hatıra kününe bağışlanğan miting quvetçilerniñ nezareti altında keçirile (video)


Aqmescitte qırımtatarlarnıñ yarımadadan sürgün etilgenleriniñ 75 yılına bağışlanğan matem tedbiri başlandı. Bu aqta Qırım.Aqiqat mühbiri haber ete.

Yüzge yaqın insan, esasen qartlar, demiryol vokzalı yanındaki hatıra taşı yanında toplaştı. Bazıları milliy bayraqlarnen keldi.

Tedbir uquq qoruyıcı organlarınıñ tahminen 20 hadiminiñ nezareti altında keçirile. Tedbir yerli akimiyetnen muzakere etilmegen olsa da, quvetçiler kirişmeyip çette tura.

Tedbir duanen başlandı.

Mayısnıñ 18-de Ukraina ve dünyada 1944 senesinde qırımtatar halqınıñ Qırımdan sürgün etilmesi qurbanlarını hatırlaylar. Bu künde qırımtatarlar ile tolu birinci eşelon Orta Asiyağa yollanılğan edi. Umumen 180 biñden ziyade kişi sürgün etildi.

Şu künü qırımtatarlar halqınıñ Qırımdan sürgün etilüviniñ qurbanları hatırasına çeşit añma tedbirleri keçirile.

Ukraina Yuqarı Radasınıñ qararına binaen, mayıs 18 künü Qırımtatar halqınıñ genotsidi qurbanlarınıñ hatıra künü dep ilân etildi.

XS
SM
MD
LG