Link açıqlığı

Saatnıñ esas haberi

Aqmescit civarındaki köyde vefat etken Musa Süleymanovnen vedalaşalar (canlı yayın)


Vefat etken Musa Süleymanov
Vefat etken Musa Süleymanov

İyül 27-sinde Aqmescit rayonınıñ Mamaq (Stroganovka) köyünde, iyül 26-sında bir qaç künlük qıdıruvlardan soñ tapılğan üç yaşındaki Musa Süleymanovnen vedalaşalar.

Crimean Tatars cenaze yerinden canlı yayınlay.

Bildirilgenine köre, balanıñ cesedini bazarertesi künü saba Süleymanovlar qorantasınıñ evine ketirdiler. Şimdi anda tuvğanlarına taziye bildirmek ve Musa Süleymanovnen vedalaşmaq içün adamlar toplana.

Tünevin "Qırım bildemligi"niñ koordinatorı Lütfiye Zudiyeva yazğanı kibi, qorantası, balanı Musa yaşağan yerde, Vasiyet qasabasında defn etmege qarar aldı.

"Qıdıruvda tek qırımtatarlar degil iştirak etti. Bu eki künde balanı samimiy qayğırğan çoq adam kördik, olar içün Musa yaqın bir adam oldı. Ruslar, ukrainler, yunanlar, ermeniler. Balanı qıdırğan biñlerce adam içün bu emiyetsiz edi", - yazdı o Facebookta.

Qıdıruvda tek qırımtatarlar degil iştirak etti. Bu eki künde balanı samimiy qayğırğan çoq adam kördik, olar içün Musa yaqın bir adam oldı

Kyivde de Qırımda elâk olğan Musa Süleymanovğa dua adamağa isteyler.

Aqmescit civarındaki Mamaq (Stroganovka) köyünde iyülniñ 26-nda üç yaşında Musa Suleymanovnıñ cesedi tapıldı.

Oğlançıq iyülniñ 24-nde ğayıp oldı. Balanı Rusiye politsiyasınıñ hadimleri, kinologlar, Qırımdaki Rusiye Fevqulâde vaziyetler nazirliginiñ idare vekilleri ve «Liza Alert» teşkilâtınıñ göñüllileri qıdırdı.

Qırım ve Aqyardaki Rusiye Tahqiqat komitetiniñ idaresi üç yaşında Musa Suleymanovnıñ iyülniñ 24-nde Aqmescit civarında Mamaq köyünde ğayıp oluvınen bağlı cinaiy dava açtı. Qırımnıñ Rusiye prokuraturası Rusiye Ceza kodeksiniñ 105-inci maddesiniñ 2-nci qısmınıñ «v» noqtasına istinaden – küçük bala öldürilüvi – cinaiy dava açtı.

XS
SM
MD
LG