Link açıqlığı

Saatnıñ esas haberi

Aqmescit civarındaki köyde üç yaşındaki Musa Süleymanovnı defn ettiler


İyül 27-sinde Aqmescit rayonınıñ Vasiyet (Stroganovka) köyünde, iyül 26-sında bir qaç künlük qıdıruvlardan soñ tapılğan üç yaşındaki Musa Süleymanovnen vedalaştılar.

Balanı o yaşağan Vasiyet qasabasında defin ettiler.

Bildirilgenine köre, balanıñ cesedini bazarertesi künü saba Süleymanovlar qorantasınıñ evine ketirdiler. Şimdi anda tuvğanlarına taziye bildirmek ve Musa Süleymanovnen vedalaşmaq içün adamlar toplana.

Musa Süleymanovnen vedalaşmağa kelgen adamlar
Musa Süleymanovnen vedalaşmağa kelgen adamlar

Kyivde de Qırımda elâk olğan Musa Süleymanovğa dua adaycaq olalar.

Aqmescit civarındaki Mamaq (Stroganovka) köyünde iyülniñ 26-nda üç yaşında Musa Suleymanovnıñ cesedi tapıldı.

Oğlançıq iyülniñ 24-nde ğayıp oldı. Balanı Rusiye politsiyasınıñ hadimleri, kinologlar, Qırımdaki Rusiye Fevqulâde vaziyetler nazirliginiñ idare vekilleri ve «Liza Alert» teşkilâtınıñ göñüllileri qıdırdı.

Qırım ve Aqyardaki Rusiye Tahqiqat komitetiniñ idaresi üç yaşında Musa Suleymanovnıñ iyülniñ 24-nde Aqmescit civarında Mamaq köyünde ğayıp oluvınen bağlı cinaiy dava açtı. Qırımnıñ Rusiye prokuraturası Rusiye Ceza kodeksiniñ 105-inci maddesiniñ 2-nci qısmınıñ «v» noqtasına istinaden – küçük bala öldürilüvi – cinaiy dava açtı.

XS
SM
MD
LG