Çarşenbe künü, noyabr 27-sinde qomşu Rusiyeden Aqmescit ava limanına kelgen uçaqlar keçke qala. Ava limanınıñ online cedveline köre, Krasnodar, Anapa, Moskva ve Soçi uçaqları keç qala.
Ava limanınıñ memüriyeti, Qırımnıñ rusiyeli "Krıminform" saytına añlatqanı kibi, uçaqlarnıñ keçke qaluvı dumannen bağlı.
Bundan ğayrı mında, üyle yaqın ava şaraiti yahşıca olacaq, dep qoştılar.
Daa evel Rusiye FVN-nin Qırım idaresi, noyabr 27-sinde Qırımda, cenübiy tsiklon keçecegi içün, bazı yerlerde küçlü sağanaqlar, bora, iyi burçaq ve 25 m/s qadar küçlü yel tahmin etile ve ayrı qasabalarda dumanlı olacaq, dep bildirdi.
