Rusiye nezaretindeki Aqmescit memuriyetinde, tış icracısı, kontraktqa köre Salğır ve Küçük Salğır yalı kenarlarınıñ temelli tamirini bitirdi, dep bildireler.
Bu beyanat dekabr 6-sında memuriyet saytında derc etilgen edi.
"Yapılğan işlerniñ sımarışçı tarafından qabul etilmesi protsessi bar. Kontraktqa köre bütün işlerni tamamladılar: özen yataqları temizlendi, qoralar qoyuldı, yol taşı töşeldi, yataqnıñ beton kenarları boyalandı, köpürler tamirlendi, tış yarıqları tiklenildi", - aytıp berdi "Asgard" şirketiniñ baş müdiri İgor Anatskiy.
Qırım.Aqiqat mühbiri haber etkeni kibi, cuma künü Salğır yalısında alâ daa işçiler çalışa edi, kimer soqaqlarda alâ daa töşeme taşı qoyulmadı.
Mayıs 29-ında Aqmescit akimiyeti, Salğır yalısınıñ temelli tamiri başlandı, dep bildirgen edi. Daa evel tender neticelerine köre, tamir işlerini yapacaq şirket kibi “Asgard” işhanesi saylandı.
2018 senesi Aqmescit özenleriniñ yataqlarınıñ temizlemesini yapmaq içün leyha azırlamaq içün “Asgard” 15 million ruble alğan edi.
“Asgard” öz işi içün 498,259 million ruble soradı. Tamir işler vaqtında özen köpürçikleri de tamirlendi.
